அரசியல் கட்சித் தலைவர்கள் வெளியிடும் அறிவிப்புகள் - நகைச்சுவை

அரசியல் கட்சித் தலைவர்கள் வெளியிடும் அறிவிப்புகள் - நகைச்சுவை

ஒவ்வொருவராக வெளியிட்ட அறிவிப்புகளை கொள்ளிமலை குப்பு அவர்கள் தருகிறார்கள்.

அத்வானி

நாங்கள் ஆட்சிக்கு வந்தால் இந்தியாவின் தலைநகரை புதுதில்லியிலிருந்து அயோத்திக்கு மாற்றுவோம். இந்தியாவில் கோக்கக் கோலா போற்ற அந்நிய குளிர்பானங்களை தடை செய்து விட்டு அதே கோவில்(கோவில்ன்னா எங்களுக்கு இஷ்டமில்லையா) ஆரம்பிக்கும் கோமிய பானம் எங்கும் கிடைக்கச் செய்வோம்.

சோனியா

இத்தாலிய உணவான பிஸ்ஸாவை இந்தியர்களுக்குச் சாப்பிடக்கொடுத்து அதனால் வரும் உள்நாட்டுச் செலவாணியை இத்தாலிய வங்கிக்கு மட்டுமல்லாது ஸ்விஸ் வங்கிக்கும் தலவாணி தலவாணியாக கட்டி அனுப்பிவைப்போம். பழசை ஞாபக மூட்டுவதால், போர்ப்ஸ் இதழை இந்தியாவில் தடை செய்வோம்.

மாயாவதி

முதல் கட்டப் பணியாக உத்திர பிரதேசத்தை வாங்கி விட்டேன். இனி இந்தியாதான் எனது இலக்கு. தொழிலில் முதல் போட்டாத்தான் வேலைக்கு ஆகும் என்கிறபடியால், அனைத்து மாநிலங்களுக்கும் பணமூட்டைகளை அனுப்பிவைத்திருக்கிறேன்.

ஜோதிபாசு

என்னுடைய வாழ்நாள் கனவு பிரதமர் பதவி, எனது வயது வேகமாக ஆவதை நினைத்து வேதனைப்படுகிறேன். தேர்தல் முடிந்ததும் மூற்றாவது அணி முப்பது சில்லுகளாகப் போய்விடுமோ என்று பயமாக இருக்கிறது.

தேவகௌடா

எனக்கு பிரதமர் பதவி தேவை என்று திருநள்ளாறு சனீஸ்வரன் கோவிலுக்குப் போய் அர்ச்சனை செய்துவிட்டு வந்தேன். நிச்சயம் கிடைக்கும். எனது சின்னம் ராசியானது இரட்டை நாக்கு.

கருணாநிதி

எங்களை வெற்றிபெற வைத்தால் நாங்கள் அரசு ஊழியருடைய ஓய்வு பெறும் வயதை 58 -ல் இருந்து 98 -க்கு மாற்றுவோம், இருப்பினும் வாரிசுகள் உள்ளவர்களுக்கு இதிலிருந்து விதி விலக்கும் அளிக்கப் படும். ராமர் பாலம் அறுபது சதம் வேலை முடிந்து விட்டதால் ஏவ்வ்வ்தும் முடியாத வேலை இருந்தால் உயர்ரக தொலைநோக்கியை நாசாவில் இருந்து வாங்கி கோர்ட் உத்தரவிட்டால் உற்று நோக்கி மறு டெண்டர் அறிவித்து எங்கள் இலக்கை அடைவோம்.

ஜெயலலிதா

புரட்சித்தலைவி தங்கத் தாரகை டாக்டர் ஜெ .ஜெயலலிதா என்று ஒரு தெருவுக்கு அமெரிக்காவில் பெயர் சூட்டி இருக்கிறார்கள். அந்தத் தெருவின் வாஸ்து சரியில்லாத காரணத்தால் அதை சரி செய்ய பணிக்கரிடம் பணியை ஒப்படைத்திருக்கிறோம். சென்னையின் இதயம் போன்ற பகுதியில் மிகப்பெரிய மருத்துவமனையைக் கட்ட இருக்கிறோம். அதில் குனிந்து குனிந்து இடுப்பு கடுத்த எங்கள் கட்சித் தலைவர்களை சேர்த்து சிகிச்சை வழங்கலாம் என்பது திட்டம்.