தனது கட்சியை மறந்து விசயகாந்த் புலம்பல்!

துறவி என்று சொல்லிக் கொள்ளும் ஜெ.வுக்கு பதவி எதற்கு? என்று விஜயகாந்த் கேட்டார்.

தேமுதிக தலைவர் விஜயகாந்த் மணிக்கு தூத்துக்குடி தேமுதிக வேட்பாளர் எம்.எஸ்.சுந்தரை ஆதரித்து செய்துங்கநல்லூரில் பிரசாரம் செய்தார்.

ராமதாசு நின்னா ரோபோ, மூப்பனார் நின்னா என்னவோ?

அப்போது அவர் பேசுகையில், மூப்பனார் உயிரோடு இருந்திருந்தால் நிச்சயம் அவர் சொல்லை நான் கேட்டிருப்பேன். ஜெயலலிதாவுடன் கூட்டணி சேர்ந்த ஒரு தலைவர் ஜெயலலிதா அருகில் ரோபோ மாதிரி நிற்கிறார். அதை டிவியில் காட்டுகிறார்கள். அந்த அளவுக்கு எல்லாம் நான் தன்மானத்தையும், சுயமரியாதையையும் விட்டுக் கொடுக்க மாட்டேன்.

நாங்கள் ஆட்சிக்கு வந்தால் என்ன செய்வோம் என்பது முக்கியமல்ல. மக்களாட்சியை கொண்டு வருவோம். மக்களின் ஆசி பெற்ற வேட்பாளர் என்று எனது வேட்பாளரை அறிவிக்கிறேன். கொடுத்த வாக்குறுதிகளை நிறைவேற்றாமல் திராவிடக் கட்சிகள் ஏமாற்றி வருகின்றன. எனக்கு பின்னால் அவர்கள் பிரசாரத்திற்கு வருவார்கள். எதை நம்ப வேண்டும், எதை நம்பக் கூடாது என்று உங்களுக்கு தெரியும்.

ஜெயலலிதா தன்னை ஒரு துறவி என்று கூறுகிறார். அப்படியானால் அவருக்கு பதவி எதற்கு? வீட்டுக்குப் போக வேண்டியதுதானே? டாஸ்மாக் ஊழலுக்கு பிள்ளையார்சுழி போட்டவர் ஜெயலலிதாதான். எனது வேட்பாளர்கள் படித்தவர்கள். அவர்கள் தவறு செய்தால் நானே அடிப்பேன். தமிழக மக்கள் சொல்பவரே பிரதமராக இருக்க வேண்டும். அப்போதுதான் தமிழகம் வளம் பெறும் என்றார்.
**********

புரியுது விசயகாந்து ஐயா,
உங்க கட்சி திராவிட கட்சி இல்லையா?
அப்ப ஏன் உங்க கட்சிக்கு தேசிய முற்போக்கு திராவிட கழகம் என்று பெயர் வைத்தீர்கள்?
உங்களை நீங்களே வசை பாடுவது உங்களுக்கே நல்லா இருக்கா?
கொஞ்சம் பார்த்து செய்யுங்க!



படம் உதவி : கோவியார்