திமுகவுக்கு வைரமுத்து, பா.விஜய் பிரச்சாரம் செய்யலாம்!?

முதல்வர் கருணாநிதி கட்டளையிட்டால் திமுகவுக்கு பிரசாரம் செய்வேன் என்று கவிஞர் பா.விஜய் கூறியுள்ளார்.

ஊட்டியில் செய்தியாளர்களிடம் பேசிய அவர், 10ஆம் வகுப்பு படிக்கும்போதே கவிதை எழுத ஆரம்பித்த நான், பாக்கியராஜ் நடித்த ஞானப்பழம் என்ற படத்தின் மூலம் சினிமா பாடல் எழுத ஆரம்பித்தேன்.

தற்போது வள்ளுவனுடன் பேசுகிறேன் என்ற கவிதை தொகுப்பு எழுதியுள்ளேன். இதில் வள்ளுவரின் 80 குறள்களுக்கு புதுக்கவிதை மூலம் விளக்கம் அளித்துள்ளேன். இந்த கவிதை தொகுப்பு விரைவில் வெளியிடப்படும். ஏ.ஆர்.ரகுமானுக்கு ஆஸ்கார் விருது கிடைத்தது தமிழனுக்குள் முளைத்த இசைக்கு உலகம் சூட்டிய மகுடம் ஆஸ்கார் என்று கூறலாம் என்றார்.

மேலும் பேசிய அவர், நான் அரசியலில் நுழைவது குறித்து எதுவும் கூற முடியாது. எனினும் முதல்வர் கருணாநிதி கட்டளையிட்டால் திமுக வேட்பாளர்களை ஆதரித்து தமிழகம் முழுவதும் பிரசாரம் செய்ய தயாராக உள்ளேன் என்றார். (நன்றி:நக்கீரன்)

தமிழ், தமிழன், கவிதை, இலக்கியம் என்ற அடையாளத்துடன் கவிப்பேரரசு வைரமுத்து அவர்களும், வித்தகக் கவிஞர் பா.விஜய் அவர்களும் இந்த நாடாளுமன்றத் தேர்தலில் திமுகவுக்கு பிரச்சாரம் செய்யலாம். ஏன்...? காவிய கவிஞர் வாலி கூட பிரச்சாரம் செய்யலாம்?!